- Vi har tru på at kompetansestandardane kan få stor tyding for kvalitetsutviklinga av karriererettleiinga og karrierelæringa i skolen framover, seier avdelingsleiar i HK-dir, Ingjerd Espolin Gaarder.
- HK-dir skal no informere om kompetansestandardane til alle relevante aktørar, og bidra til at desse vert tatt i bruk.
Eit oppdrag frå Kunnskapsdepartementet
Direktoratet for høgare utdanning og kompetanse har det faglege ansvaret for karriererettleiing i ungdomsskolen og vidaregåande opplæring. På oppdrag frå Kunnskapsdepartementet har HK-dir utvikla kompetansestandardar for karriererettleiing i skolen. Oppdraget er eitt av tiltaka i Meld. St. 21 (2020-2021) Fullføringsreformen – med åpne dører til verden og fremtiden. Kompetansestandardane gjev ei oversikt over den kompetansen dei som jobbar med karriererettleiing i skolen bør ha, for å ivareta rollane sine på ein måte som fremmar kvalitet i tilbodet.
Faglege standardar, ikkje krav
Kompetansestandardane er ein fagleg standard, ikkje formelle krav til kompetanse. I samband med utforminga av ny opplæringslov har spørsmålet om det skal formulerast eigne reglar (kompetansekrav) for dei som jobbar med karriererettleiing i skolen, vore oppe. Med den nye lova er det avklart at det ikkje blir utforma slike krav.
Innhaldet i kompetansestandardane
Det er utvikla to sett med kompetansestandardar: eitt sett for karriererettleiaren/utdannings- og yrkesrådgjevaren og eitt for læraren i faget utdanningsval.
![Modell av kompetansestandarder for utdanningsvalglæreren](/sites/default/files/public/inline-images/Modell%20Utdanningsvalgl%C3%A6reren%20i%20Skolen%20uten%20nummer.png)
Kompetansestandardane vert i sin heilskap presentert på nettsidene til HK-dir.
Spreiing og bruk av kompetansestandardane
HK-dir vil framover utvikle innhald og ressursar til kompetansestandardane på nettsidene sine, slik at både skoleeigarar, skoleleiarar og praktikarar får støtte og rettleiing i arbeidet med å utvikle kompetansen i karriererettleiing, i tråd med dei tilrådde kompetansestandardane.
Bakgrunn og kunnskapsgrunnlag
Kompetansestandardar for karriererettleiaren/utdannings- og yrkesrådgjevaren og for læraren i faget utdanningsval er grunngjevne i faglege vurderingar, og er utvikla med utgangspunkt i dei tverrsektorielle kompetansestandardane i Nasjonalt kvalitetsrammeverk for karriererettleiing.
HK-dir har leidd utviklingsarbeidet og samarbeidd med to fagekspertar frå masterutdanningane i karriererettleiing, Torild Schulstok ved Høgskolen i Innlandet og Petra Røise ved Universitetet i Søraust-Noreg. Ein viktig del av utviklingsarbeidet har føregått i to FoU-grupper (forskings- og utviklingsgrupper), og eit breitt samansett referanseteam med representantar frå alle fylke og begge skoleslag har også tatt del i arbeidet.