Sommaren 2022 fekk norske universitet og høgskular tildelt midlar til studieplassar i samband med flyktningstraumen frå Ukraina. Korleis har det gått? Var behova dei me trudde?
I dette møtet ønskjer me å dele erfaringar frå institusjonane som fekk tildelt midlar til studieplassar for flyktningar. Kor mange studentar er tekne opp, og på kva fag? Kva har gått greitt og kva har vore vanskeleg? Og kva studietilbod ser me for oss i 2023?
Som innleiar får me med oss Katrine Vidme frå Integrerings- og mangfaldsdirektoratet (IMDi). Ho vil oppsummere dei nasjonale erfaringane frå å ta imot og busetje 30 000 flyktningar frå Ukraina det siste året og seie noko om korleis mottakssystemet førebur seg for 2023.
Møtet rettar seg mot tilsette ved universitet- og høgskular som på ulikt vis har vore involvert i å ta imot ukrainske studentar i 2022.